Libër i përzgjedhur nga Redaksia e New York Times!

Libër i përzgjedhur nga Klubi i Librit #ReadwithJenna te Today Show!

Libër i përzgjedhur nga Klubi i Librit Barnes and Noble!

Një nga 100 librat më të mirë të vitit sipas Time Magazine!

Fitues i çmimit Goodreads Choice Awards!

 

***

Është një ditë e mrekullueshme në Njuport, Rod Ajlend, kur Fibi Stoun mbërrin në hotelin luksoz Cornwall Inn, e veshur me një fustan elegant mëndafshi, në ngjyrë të gjelbër dhe këpucë me taka ngjyrë ari, pa as edhe një

çantë me vete. Të pranishmit në hollin e hotelit, që janë të gjithë pjesëmarrës

në një dasmë, e pandehin si njërën prej dasmorëve. Mirëpo Fibi s’ka asnjë lidhje me dasmën. Ajo ka ardhur, sepse prej vitesh ëndërron që të kalon disa ditë aty. Në ëndrrat e saj, ajo pinte kokteje në holl dhe lundronte me të shoqin, duke soditur perëndimin. Vetëm se tani është krejt fillikat, gjendet në pikën më të dëshpëruar të jetës, por e vendosur ta përkëdhelë veten për herë të fundit.

Nusja, më lozonjarja midis dasmorëve, ka investuar shumë para dhe kohë në përgatitjen e festimeve, që do të zgjasin pothuajse një javë. Ajo është përgatitur për çdo pengesë të mundshme, me përjashtim të Fibit dhe të vendimeve të saj. Prania e një të huaje të depresuar në hotelin e dasmës së saj turbullon planet dhe i detyron dy gratë të njohin njëra-tjetrën, familjet dhe sekretet që i shoqërojnë ato. E kështu pak nga pak, rastësia e vogël e një prenotimi në hotelin e dasmorëve do të kthehet në një nga mundësitë e mëdha që ofron jeta.

Argëtues dhe prekës, “Dasmorët” është një roman tërheqës mbi dashurinë, miqësinë, familjet jofunksionale dhe rrugët e papritura që shpien drejt lumturisë. 

Vështrimi i autores arrin të përfshijë gjithë spektrin e emocioneve që shoqërojnë angazhimin e përjetshëm: nga humori te egocentrizmi, e deri te dhembshuria më e thellë. Ajo na kujton se “dashuria ishte një fill i padukshëm, që i lidhte përgjithmonë”. Pikërisht, pyetja se kë lidh ky fill, qëndron në zemër të këtij romani, ashtu siç qëndron shpeshherë edhe në jetën reale.

 

Ky roman bestseller mund të na mashtrojë me paraqitjen e tij të jashtme - titulli dhe kopertina sugjerojnë një histori të lehtë romantike - por pas kësaj fasade fshihet një narrativë shumë më e ndërlikuar dhe e thellë. Espach ndërthur me mjeshtëri dritën dhe errësirën: në një moment e ndien veten përballë sfidave emocionale të vështira, ndërsa në tjetrin ndihesh i lehtësuar nga humori i hollë dhe ëmbëlsia e natyrshme. Në thelb, kemi një rrëfim për një takim të rastësishëm që ndryshon gjithçka, një histori që të shpërblen në mënyra të papritura dhe domethënëse.

 

Te “Dasmorët”, autorja ka qëndisur një version modern të fabulës tipike angleze mbi martesën, një histori komplekse dhe e ndërlikuar, e cila zhvillohet në një rezidencë fisnike antike, ku rrëfehet se dashuria dhe brenga shpesh shkojnë dorë përdore. Komike, argëtuese dhe herë pas here befasuese.

 

Me vëzhgime të mprehta mbi shoqërinë dhe një prozë të përpunuar mjeshtërisht, Alison Espach sjell një roman të hollë dhe argëtues, një kënaqësi e pastër letrare.

 

Një dramë elegante rreth një dasme luksoze që spikat si historia më e mirë romantike e vitit deri më sot.