Përshkrimi

“Gruaja e togerit frëng “ është një nga romanet më interesante të letërsisë angleze bashkëkohore , në të cilin shkrihen mjeshtërisht ëndrrat joshëse dhe realiteti zhgënjyes. Çarls Smithson , një burrë i ri në prag martese ,që gëzon një pozitë shoqërore për tu pasur zili , njihet krejt rastësisht me Sara Udrafin . Ajo nuk ia ndan sytë detit ku është zhdukur togeri frëng , për të cilin të gjithë thonë se ka qenë dashnori i saj . E dënuar nga opinion publik , e pakuptuar as nga ata që i qëmdrojnë pranë , e reja mbart një sekret të madh , një pasion të papërmbajtshëm dhe një ankth për lirine që mund t’i thyejë të gjitha rregullat e hekurta të moralit viktorian .Çarlsi bie në dashuri me Sarën dhe bëhet njëherazi viktimë dhe bashkëpunëtor i këtij rebelimi . Romanca e tyre do të sfidojë rregullat mbytëse të shoqërise së asokohshme , ndërsa kapërcimi i pengesave do të përmbysë paragjykimet e vetë personazheve , por edhe të lexuesve . I renditur nga Time Magazine në listën e 100 veprave më të mira të gjuhës angleze , romani “ Gruaja e togerit frëng “ është një nga shembujt më të njohur dhe të arrirë të letërsisë postmoderne . I mbushur me mistere magjepsëse që kërkojnë zgjidhje , por zgjidhjet fshihen deri në faqen e fundit. Edhe më tej . Kur e mbarova , e nisa përsëri, duke kërkuar gjurmët që nuk i kisha vën re më pare , duke analizuar fillimin , tani që njihja fundin. The New York Times Një roman – lojë i mrekullueshëm , ku gjetjet e shkëlqyera postmoderne i shtohen mprehtësisë së personazheve klasike . Time Magazine Një sukses i shkëlqyer … një shkrim i zjarrtë , si dhe një shembull i patëmetë rrëfimtarie. Financial Times Edhe sikur ta lexoni disa here këtë libër , do gjeni gjithmonë diçka të re dhe do bini gjithmonë në dashuri me Çarlsin e ngratë . Daily Mail

Informacion mbi librin

Recensione